<?xml version="1.0" encoding="UTF-8"?><song><author>P. Nilsen-Lund</author>
<hymn_number>21</hymn_number>
<lyrics>[V1]
 Derao Andriamanitra
 Ry vazan-tany efitra,
 Fa izy no mamindra fo,
 Ka mety manome ny zo,
 Naniraka ny Zanany
 Hanavotra ny olony !
 Ny sandriny tsy toha re,
 Fa manan-kery lehibe.
 Malaza ny Anarany,
 Fa lehibe ny asany.

[V2]
 Ny zavatra rehetra e
 Ny ranomasin-dehibe,
 Ireo tendrombohitra,
 Ny saha feno ahitra,
 Ny hazo sy ny vorona
 Ny vato sy ny zavona,
 Ny voninkazo manitra,
 Ny endriky ny lanitra
 Dia samy tsy mijanona
 Midera ny mpamorona.

[V3]
 Ry olona navotana
 Mba mitsangàna faingana,
 Ka miderà ny Tomponao,
 Izay nanavotra anao,
 Fa he, ny voninahiny
 Manerana ny taniny
 Tendreo ny valihanao
 Ka miventesa hira vao :
 Ry voavonjy ô, derao ny Ray
 Mpamorona anao !</lyrics>
<title>Derao Andriamanitra FFPM21</title>
</song>